ഗുരുവെന് ദീപം
---------------------------
ആത്മാവിലെരിയുന്ന ദീപനാളം നീ
അണയാതെ കാത്തിടും ഞാന്
ആ ദിവ്യചേതസ്സിന്മുന്നിലെന്നും...
അശ്രുപുഷ്പാഞ്ചലിയര്പ്പിച്ചിടും..
---------------------------
ആത്മാവിലെരിയുന്ന ദീപനാളം നീ
അണയാതെ കാത്തിടും ഞാന്
ആ ദിവ്യചേതസ്സിന്മുന്നിലെന്നും...
അശ്രുപുഷ്പാഞ്ചലിയര്പ്പിച്ചിടും..
കദനത്തിന് കനലും ഹ്യദയത്തില് പേറി
ഒരു വിഹായസ്സിനിപ്പുറം നില്പൂ ഞാന്
തേങ്ങുന്നനെഞ്ചിന് ഭാരം അകറ്റുവാന്
തേടുന്നു ഞാനെന് ദേവാ നിന്നെ...
എത്രയോദൂരം പിന്നിട്ടുനില്പൂ
പിന്തിരിഞ്ഞോടുവാന് ആവില്ലെനിയ്ക്ക്
മാറുന്നു കേവലം അശ്രുധാരയായെല്ലാം
എന് സ്വര്ഗ്ഗസ്വപ്നങ്ങളെത്ര വ്യര്ത്ഥം...
നിന്നിലേക്കെത്തുവാനോടിത്തളര്ന്നൂ
പാതിയില് ഹാസ്യമായെന്നെയുപേക്ഷിച്ചു
എന് മനപക്ഷിതന് ചിറകൊടിഞ്ഞയ്യോ
നോക്കാതെ പോകയോ നിഷ്ക്കരുണം....
എന് ചിന്തകളില്സദാ നിറഞ്ഞു നില്ക്കും
പ്രാര്ത്ഥനകളില് നിത്യമോടിയെത്തും
അറിയാതെ പറയാതെ വഴിമാറിയെങ്കിലും
സ്മരിക്കാതിരിക്കുവാനാവില്ല ദേവാ നിന്നേ....
എത്രയുഗ സന്ധ്യകളില് ഗുരുവെന് പ്രകാശം
അര്ദ്ധയാമിനികളില് പൂര്ണ്ണേന്ദുവായ് ദേവന്
കണ്ചിമ്മിനോക്കുന്ന താരങ്ങളേ നിങ്ങള്
അറിയുന്നുവോയെന് ഗുരുദേവന് മഹത്വം... !!
ഒരു വിഹായസ്സിനിപ്പുറം നില്പൂ ഞാന്
തേങ്ങുന്നനെഞ്ചിന് ഭാരം അകറ്റുവാന്
തേടുന്നു ഞാനെന് ദേവാ നിന്നെ...
എത്രയോദൂരം പിന്നിട്ടുനില്പൂ
പിന്തിരിഞ്ഞോടുവാന് ആവില്ലെനിയ്ക്ക്
മാറുന്നു കേവലം അശ്രുധാരയായെല്ലാം
എന് സ്വര്ഗ്ഗസ്വപ്നങ്ങളെത്ര വ്യര്ത്ഥം...
നിന്നിലേക്കെത്തുവാനോടിത്തളര്ന്നൂ
പാതിയില് ഹാസ്യമായെന്നെയുപേക്ഷിച്ചു
എന് മനപക്ഷിതന് ചിറകൊടിഞ്ഞയ്യോ
നോക്കാതെ പോകയോ നിഷ്ക്കരുണം....
എന് ചിന്തകളില്സദാ നിറഞ്ഞു നില്ക്കും
പ്രാര്ത്ഥനകളില് നിത്യമോടിയെത്തും
അറിയാതെ പറയാതെ വഴിമാറിയെങ്കിലും
സ്മരിക്കാതിരിക്കുവാനാവില്ല ദേവാ നിന്നേ....
എത്രയുഗ സന്ധ്യകളില് ഗുരുവെന് പ്രകാശം
അര്ദ്ധയാമിനികളില് പൂര്ണ്ണേന്ദുവായ് ദേവന്
കണ്ചിമ്മിനോക്കുന്ന താരങ്ങളേ നിങ്ങള്
അറിയുന്നുവോയെന് ഗുരുദേവന് മഹത്വം... !!
No comments:
Post a Comment